Jan Usawi - O toki sin

o len ala
tenpo mute la mi kute e ni
sina toki e nimi “akesi”?
tawa mi?

seme a?
o toki sin
lon monsi mi?
ala, o toki tawa mi
sina monsuta
tan seme a?
tan seme la mi monsuta sama sina?

mi jasima
sina ko taki
utala sina li awen poka sina tan ni
sitelen ni li ike tawa sina la
o weka o alasa e jasima sin
e jan lili e jan suwi
sina wile ala e jan pi kon suli
pakala
mi jo ala e wawa mute la
sina alasa ala lanpan e wawa mi

“akesi”
“akesi”?
tenpo pini la sina kute anu seme?
sina kama ala kama jo e ku?
anu lukin ala lukin e sitelen tawa pi jan Misali?
nimi “akesi” li ike ala lon tenpo ni
li ike ala lon tenpo pini
akesi pi pona mute li ken lon
toki mi li lon la mi pilin pona tan toki sina—
a, ona weka
a pona a!

toki pi uta sina li wawa ala
li mu musi taso
sina lukin anpa e mi la
sina kama jo e mu musi taso
toki pi uta sina li wawa ala
li mu musi taso
sina lukin anpa e mi la
sina kama jo e mu musi taso

seme a?
o toki sin
lon monsi mi?
ala, o toki tawa mi
sina monsuta
tan seme a?
tan seme la mi monsuta sama sina?

mi jasima
sina ko taki
sina toki taso
mi pali
mi suno
sina mun mi
mi nasa taso
sina jaki

o toki sin
mi wile kute
jan pi kulupu mi li kute
sina toki pi kalama suli
la jan ale li ken kute
sina anu e nasin ni
taso sina ken ala kama jo e pini
toki wawa li wile e jan wawa
tan ni la o pana e toki sina tawa mi

ken la kin la mi ike lili
taso mi pali e ni la ona li musi
sina la ni li ike taso
tan ni: sina wile e pakala taso
o lukin sewi e kulupu sina
kulupu suli sama ni li ken awen e insa
sina toki la mi lukin e kiwen utala
lon uta sina
mi sona a
sina kokosila

anu la sina toki ike ala
kepeken toki pona taso
sina lukin anpa e mi la
mi mute li pana e mu musi taso

toki pi uta sina li wawa ala
li mu musi taso
sina lukin pakala e mi la
sina kama jo e pakala taso

seme a?
o toki sin
lon monsi mi?
ala, o toki tawa mi
sina monsuta
tan seme a?
tan seme la mi monsuta sama sina?

mi jasima
sina ko taki
utala sina li awen poka sina tan ni
sitelen ni li pona ala pona tawa sina
ala la o kama jan sin