T Hof van Commerce - Lang leve minzelvn

Kiekt uh kji wie da 't er ier es, emmo godver eh 't e Buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzze èn me Buzza, 'k peize da 'k tô, oliek veruzza
'k skryvve tekstn ip papier lik da nen dekstier koein pakt
Gepakt en gezakt trekke 'k ik d'rip ût
En 'k slûte 'n pact met d'n dûvle
Ik ben nie zûvre, weh nink, 'k zwère 't u 'k ben gin nen achterblûvre
'k lwôpe vwôrn bie ol de vwôse gassn die achterkommn
'k kom ut de lucht lik bommn en 'k dale recht ip myn doel of zonder hesitoatie
En 'k verwôrzoake nwoi geziene destructie
Begunnend MC's kommn bie mie achter instructie, ze kunn'n nie zonder myn instructies, 't zyn constructies
'k zorge 'k ik voe de fluctie ip de beurze, en ol da geld kom noa mie zonder reductie
Waag ne kji een stapke in 't Hof van Commerce
Buyse en Cauwelier smytn ip lik zwoar bier
Kom môr ier en we skippn j'n ol in 't vagevier
En ge brad in eign nat zonder veel vertier
Kiekt uh kji wie da 't er ier es, emmo godver eh 't e Buzza
Dommestiek e de katte en gie zyt de muzza
Weet je gie wel wien da 't is, emmo godver 't e gin muzza
Moest 'k ruzze èn me Buzza, 'k peize da 'k tô, oliek veruzza
Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is, emmo godver 't e gin muzza
Moest 'k ruzze èn me buzza, 'k peize da 'k tô, oliek veruzza
Bwôse gassn, masturbastn, probeern mie dageliks te vergassn
En spastn die under nie wassn probeern mie lyfstraffn an te passn
Mô 'k ben ongevoelig voe lichaamlik zjir
'k è gin oasme nwôdig, 'k kan teegn de kôude lik nen ysbèr
Lang leve mynzelvn, begunt u putje mô te delvn
Ge kun mie nog nie andoen woard'je met een stik of elvn
Of met een stik of onderd, ge kiek lik zwô verwonderd
Lik zwyns in quarantaine wèrd je gie ofgezonderd van de reste van de meute
G'è nog niet te veel leute
'k smwôr'u ip in myn pûpe en 'k overgiet'u me gloeinde geute
Ge ligt te kronkeln van de pyne, ge nè gin overskeute
G'è gin piepte tussn u bjinn mô 'n dikke vette ...
'k è nog mjir volglingn dan missionoaris ip nen missie
'k bekjirre mjir ketters dan Franciscus van Assissi
'k zoe liegn moest'k zeggn da'k niet è teegn de politie
En 'k è minder slichte raps dan LP's van ACDC
Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza
Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza
Gjille daagn an een stik goa'k der vwôrn tût ip 't bjin
'k smyte ne stjin ip joen tjinn'n en ge begunt te jankn lik gin jin
Brokke verskjin, da goa'j zyn, 'k ben nog zeurder of azyn
'k mjir lynn in myn magazyn dan mandaryn vitamynn
D'instrumentn da 'k ik spele volln te telln ip nul vingers
'k leze gin boekskes van Rik Ringers
En dad e nû d'historie, 'k vertelle't in euforie
Zwôlange da 'k blûve reppn, goa 'k ik leevn in gods glorie
Weh joak, de goede god es me my en kyndje Jezus
Zeevnentneegntig, 't Hof Van Commerce, ik kieze myn moatn zelve
Moatje, Buyse Buyse Buyse, Kowlier!
Kiekt uh kji wie da 't er ier es, emmo godver eh 't e buzza
Dommestiek e de katte en gie zyt de muzza
Weet je gie wel wien da 't is emmo godver 't e gin muzza
Moest 'k ruzza èn me buzza, 'k peize da 'k tô, oliek veruzza