Mayra Andrade - Konsiénsia

Penumbra dja nvadí-m spritu
Láguas intchí-m na petu
Nha gritu ki dura mudu
Nós fraternidádi surdu

Ngatchádu na ndiferénsa
Nu odja kusas stránhu
Tcheu d-ês éra tristi
Nu ka fazi náda
I sempri nu sisti

Ah konsiénsia!
Nha konsiénsia ka-bu durmi más ki si
Korda pa-m podi riaji
Konsola tchoru maguádu
Labánta nu bem muda mundu!

Ah konsiénsia!
Nha konsiénsia ka-bu durmi más ki si
Mostrâ-m óra di kel abrásu
Djuntá-nu pa-nu buli mundu!

Ka-bu dexâ-m sima sáku baziu,
Sima pedra parádu na fundu d-es riu,
Tomâ-m kónta-kabésa
Pa sangi subí-m na korpu!

Nha gritu pa justisa
É kánta pa igualdádi,
S'é pa-m tchora njustisa
Xa-m kánta pa igualdádi
I manifesta pa liberdádi

Ah konsiénsia!
Nós konsiénsia tomá-nu kónta-kabésa
Pa nós tudu bem korda
I alkánsa umanidádi,
Pa-nu vivi k'umanidádi…