Robert Janowski - Na niebieskiej grubie

Nie wyjechoł Jorguś na wiyrch, wiela to mu było lot. Osiemnaście, jak tyj dziołszce co sie jom przed tydniym znod. Już niy pójdziesz na zolyty, drogom za hołdami. Już sie piwa nie napijesz w karczmie z kamratmi.

Ref.

Na niebieskiej kajsik grubie Pan Bóg Ciebie trzymo, bydzie mioł czym w piecu polić jak nadejdzie zima. Bydzie mioł czym w piecu polić jak nadejdzie zima. Ino Ciebie nasz kamracie tukej z nami nie ma.

Nie wyjechoł Gustaw na wiyrch, choć go baba woło. Dwóch mioł synów cera w drodze, kozoł upiec kołocz. Nie ucieszysz ty sie z cery, choć żeś jom tak bardzo chcioł. Kołocz wyschnie i z synkami już niy bydziesz w fusbal groł.

Ref.

Na niebieskiej kajsik grubie Pan Bóg Ciebie trzymo, bydzie mioł czym w piecu polić jak nadejdzie zima. Bydzie mioł czym w piecu polić jak nadejdzie zima. Ino Ciebie nasz kamracie tukej z nami nie ma.

NIe wyjechoł Alojz na wiyrch, choć połednie mijo. Chcioł na działce trzymać króle, mioł iść na pyndzyjo. Puste klotki na króliki, nikt w grządkach nie grzebie. Nie odpoczniesz a Twój wnuczek wciąż pyta o Ciebie.

Ref.

Na niebieskiej kajsik grubie Pan Bóg Ciebie trzymo, bydzie mioł czym w piecu polić jak nadejdzie zima. Bydzie mioł czym w piecu polić jak nadejdzie zima. Ino Ciebie nasz kamracie tukej z nami nie ma.