Izaline Calister - Lo mi ta band’i bo

Kere den mi i no lubidá, ku maske ku mi n’ ta mas serka di bo
Semper nos amor lo ta, den un strea wardá
Ta un kos ku bo mester sa

Laga nos ban p’afó ami ku bo so, ban skohe e strea símbolo di nos amor
No tin nodi yama ayó, no
Sigui ku bo bida, sa ku ningun dia lo bo ta bo so

Djis wak ariba, buska den shelu
Haña nos strea, unda ke ta
Sera bo wowo i pa un instante, lo mi ta band’i bo

Kere den mi i no lubidá ku ami ku bo ta uní, pa mas ku hende por imaginá
O distansha por separá
Ta un kos ku bo mester sa

Un kos ku bo mester sa
No lubidá

Kere den mi, mi ke pa bo sa ku maske ku mi n’ ta mas serka di bo
Semper nos amor lo ta, den un strea wardá
Mi no ke pa bo lubidá