Ed'Mans - Klachule

Zawsze majom najlepsze wiadomości, bardzo chyntnie jedna drugom w doma gości. Wszystko wiedzom zawsze pryndzyj lepij niż ty wiysz. Chcesz czy niy chcesz na ich jynzyk trafisz tyż.

Ref.

Klachule, klachule, klachule nie przejmujom sie woogóle. Rózne cuda wymyślajom, na kożdego coś tam majom. Do godania niy mosz nic i to niy jest wcale wic.

Czy coś boło, czy niy boło - obgodajom, przeca zawsze ino one racja majom. Kożdo sprawa ich ciekawi zoł wi zoł, choćby człowiek świynty i niewinny boł. Łone klachajom durś odkond istnieje świat. Ino uważej bo, weznom Cie na blat.

Ref.

Klachule. klachule, klachule te mondrale i pyskule. Nowe klachy wymyślajom koniec świata przegodajom. Bydom śmioć sie że to nic, że to ino taki wic.

W totolotku pryndzyj dobre liczby znajom, ale nigdy ani grosza nie wygrajom. Nie dziwota jedna drugij powiy tak: Tam cyganiom i sujom byle jak. Żodne fakty, wiadomości i dziynniki, niy mo startu Maks Kolonko z Ameryki. Lepsze som od FBI i CSI, kożdy zawsze od nich bydzie wiedzioł mnij.

Ref.

Klachule, klachule, klachule nie przejmujom sie woogóle. Rózne cuda wymyślajom, na kożdego coś tam majom. Do godania niy mosz nic i to niy jest wcale wic. Łone klachajom durś odkond istnieje świat. Ino uważej bo, weznom Cie na blat.

Klachule. klachule, klachule te mondrale i pyskule. Nowe klachy wymyślajom koniec świata przegodajom. Bydom śmioć sie że to nic, że to ino taki wic.