Denez prigent - Geodenn ar Marv

[Mari Boine er yezhoù samiek]

[Denez Prigent:]
Saotret o deus dour ar stivell,
Cheñchet o deus tu an avel.

Cheñchet o deus sklaerder an heol,
Skuizhet an douar, breinet ar jol.

Breinet ar jol, skuizhet an douar,
Mouget ar stered hag al loar.

Mouget al loar hag ar stered,
Ha diskaret ar we'enn vleuniek.

Cheñchet o deus hep keuz ebet,
Ar pezh n’ dlee ket bout cheñchet.

Hadet o deus e prad ar bed,
Ar pezh n' c'helle ket bout hadet.

Hadet o deus geot ar marv,
A dro ar peizant da sklav.

Hadet o deus ar greunenn foll,
A gas ar peizant war e goll.

[Mari Boine er yezhoù samiek]

[Denez Prigent:]
Deu't eo an amzer da vediñ
E Pradarbed klevout a rit:

E Pradarbed klevout a rit
Falc'h an Ankoù o eostiñ?

E Pradarbed klevout a rit
Falc'h an Ankoù o eostiñ?