Tekst piosenki:
Jak dwa kumple my siedzieli,
jo se mojom omom.
I patrzeli my w kineskop,
jak groł Górnik z Romom.
Razym gryźli my pazury,
i chytali se za gowa.
Jak we Włoszech zamiast nudli nasi gryźli trowa.
Kostka stoł na bramce, Szołtysik fiksowoł.
A Ciszewski dźwiyncznym głosym mecz tyn komentowoł.
Mom to jeszcze przed łoczami, tego się nie zapomino.
Jak Capello tuż przed bramkom Floreńskiego minoł.
Jak mie z łoczów lecom płaczki i po mamie głaskom,
jak syndziymu za pomyłka pogroziła laskom.
A tam Olek rwoł po skrzydle, Lubański główkowoł,
a Ciszewski dźwiyncznym głosym mecz tyn komentowoł.
I trzy mecze tak minyły, dogrywka i elwry.
A tyn głos komyntatora dźwiynczoł tak bez przerwy,
i na koniec szpilu syndzia w luft ciepnoł moneta.
A Ciszewski ryknoł głośno:
[Polska!!!!! Górnik!!!! Brawo!!! Brawo!!
Proszę Państwa, a więc sprawiedliwości stało się zadość.
To się jednak ma szczęście]
Oślizło sie cieszył, Włoch mioł kwaśno mina,
a Ciszewski dźwiyncznym głosym zaproszoł na finał.
Dodaj adnotację do tego tekstu »
Historia edycji tekstu
Komentarze (0):